NASAFIY NURMUHAMMAD

NASAFIY NURMUHAMMAD (toʻliq nomi Muhammad Amin ibn Nurmuhammad Nasafiy) (18-a., Qarshi) — tazkiranavis. Tazkirachilikda Navoiy anʼanalarini davom ettirgan. Nasafiy Nurmuhammaddan bizgacha «Mazhar ulmusannifin» («Adiblar bayonida», 1759) asarigina yetib kelgan. Asar tarixiy voqealar bayonidan iborat boʻlib, unda tazkiraga xos xususiyatlar mujassam. «Mazhar ul-musannifin»da Buxoro amirligi hududlarida kechgan tarixiy voqealarning bayoni bilan birga buxorolik, samarqandlik, qarshilik shoir, olim, adiblar haqida ham soʻzlanib, ularning kasb-kori, shaxsiyati, badiiy ijod sohasidagi iqtidori haqida qaydlar keltiriladi. Undagi maʼlumotlar 18-a. adabiy muhitini chuqurroq oʻrganishga yordam beradi. Muallif, ayniqsa, kosibhunarmandlar tabaqasiga mansub — poʻstindoʻz, kordrap, qogʻozfurush, tirgar (oʻq yasovchi) shoirlar haqida soʻz yuritadi, ularning sheʼrlar ijod qilishdagi qobiliyatlarini ham munosib baholaydi.

Ad. Muhammad Nosir, Nasaf va Kesh allomalari, T., 2001.

---

Lotin alifbosida maqola: NASAFIY NURMUHAMMAD haqida to'liq ma'lumot kategoriyasi: N harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)