QISHKI OLIMPIADA

QISHKI OLIMPIADA, qishki olimpiada oʻyinlari — sportning qishki turlari boʻyicha jahon miqyosida oʻtkazilaligan turkum muso-baqalar. 1924-y. dan Xalqaro olimpiada qoʻmitasi tomonidan har 4 yilda oʻtkaziladi (1940, 1944-y. larda oʻtkazilmagan). 1908 va 1920-y. larda muz ustida figurali uchish, 1920-y. da shaybali xokkey Olimpiada oʻiinlari dastu-riga kiritilgan. Qishki olimpiadada biatlon. bobsley. kyorling, konkida uchish (500 m dan 10000 m gacha poyga. muz ustida figurali uchish), chana sporti. chan/i sporti, shaybali xokkey (q. Xokkey) boʻyicha musobaqalar uyushtiriladi.

Qishki olimpiada oʻtkazilgan yillar va joylar: I Olimpiada oʻyinlari — 1924, Shamoni (Fransiya); II va V — 1928 va 1948, Sankt-Moris (Shveysariya); III va XIII – 1932 va 1980, Leyk-Plesid (AQSH); IV – 1936, Garmish-Parten-kirxen (Germaniya); VI — 1952, Oslo (Norvegiya); VII — 1956, Kortina dʻAmpesso (Italiya); VIII — 1960, Skvo-Velli (AQSH); IX va XII – 1964 va 1976, Insbruk (Avstriya); X — 1968, Grenobl (Fransiya); XI — 1972, Sapporo (Yaponiya); XIV – 1984, Sarayevo (Yugoslaviya); XV — 1988, Kalgari (Kanada); XVI — 1992, Albervil (Fransiya); XVII — 1994, Lillexammer (Norvegiya); XVIII – 1998, Nagano (Yaponiya); XIX — 2002, Solt-Leyk-Siti (AQSH).

Oʻzbekiston sportchilari Qishki olimpiada larda 1994-y. dan ishtirok etib keladi. Lina Cheryazova, Sergey Brener (fristayl), Tatyana Malinina (muz ustida figurali uchish), Komil va Elmira Urumboyevlar (changʻi sporti) kabi sportchilar Qishki olimpiada larda muvaffaqiyatli qatnashgan.

---

Lotin alifbosida maqola: QISHKI OLIMPIADA haqida to'liq ma'lumot kategoriyasi: Q harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)