QOʻYBOSH-476

QOʻYBOSH-476 — kechpishar qovun navi. Oʻzbekiston sabzavot, poliz ekinlari va kartoshkachilik i. t. in-tida chiqarilgan P(. N. Dudko, Ye. I. Drujinina). Shakli tuxumsimon va choʻzinchoq tuxumsimon (uz. 25—30 sm, ogʻirligi 3 — 9 kg). Mevasining sirti biroz boʻginli, toʻri toʻliq, band tomoni quyuq, uch tomonida esa siyrak, goxida toʻri faqat mevasining oʻrtasigacha davom etadi. Mevasining rangi band oldida koʻkish-jigarrang, uch tomoni sargʻishjigarrang. Sirtida gullari yoʻq. Poʻsti qattiq, eti oʻrtacha qalinlikda, toʻla pishmaydi, rangi oq, poʻsti yaqinida koʻkish, tigʻiz, shirin. Urugʻdonlari urugʻxonaning yar-mini egallaydi. Oʻrugʻi oʻrtacha kattalikda, keng ovalsimon, toʻqsariq. tarkibida 7,6-10,4% qand, 10,2-13,3% quruq modda bor. Urugʻi unib chiqqandan soʻng birinchi hosili 85—95 kunda pishadi. Hosildorligi 250—300 s/ ga. Tashishga, saqlashga yaroqli (90—100 kun), soʻlish kasalligiga chidami oʻrta-cha. 1939-y. dan Xorazm viloyati va Qoraqalpogʻiston Respublikasida ekish uchun davlat reyestriga kiritilgan.

---

Lotin alifbosida maqola: QOʻYBOSH-476 haqida to'liq ma'lumot kategoriyasi: Q harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)