SKREPER (ing. scrape — qirish) — 1) yer qazishtuproq surish mashinasi. Asosyy ish organi — kovsh. Yerni katlamqatlam qilib qazish, kovshni tuproqqa toʻldirib belgilangan joyga toʻkish, surish va tekislash uchun ishlatiladi. Traktorga tirkaladigan va oʻziyurar xillari bor. Asosan, yoʻl qurilishi va konchilikda ishlatiladi. Skreper kovshining hajmi 3—25 m3, grunt (tuproq)ni surish (tashish) masofasi 0,1—5 km. Konchilikda ishlatiladigan Skreper kovshining tubi va oldi ochiq boʻladi. Skreper chigʻir (lebyodka), sim arqon va yoʻnaltiruvchi roliklar yordamida harakatlanib, foydali qazilmani ortiladigan joyga suradi;
2) yer sirtida, yer ostida va suv tagida qazish, surish va tekislash ishlarini bajarishda qoʻllanadigan sim arqonliskreperli qurilmalarning ish organi — kovshi. Skreper chigʻir yordamida sim arqonlar va bloklar tizimi orqali harakatlantiriladi.