ShERI KISHVAR

ShERI KISHVAR — Turk xoqonligi shahzodalaridan El Arslon ismining forsiycha varianti. U xoqonlikning mashhur hukmdorlaridan Qorachurin (Tardu; 576—603) xoqonning toʻngʻich oʻgʻli boʻlib, Turk xoqonligining asoschilaridan biri Istami yabgʻuning (552— 576) nevarasi boʻlgan. Narshaxiyning «Tarixi Buxoro» asarida yozilishicha, Abru qoʻzgʻolonini bostirgan va Buxoro vohasida 20 yil hukmronlik qilgan. Vohada bir qancha qishloqlar barpo etgan. Bir qator tadqiqotchilar fikricha, Sh. K. Buxoro vohasida 7—8-asrlarda hukm surgan turkiy sulolaning asoschisidir.

673-yil arablar istilosi paytida Buxoro vohasiga Bidun buxorduxot hukmdor boʻlgan. Tadqiqotchilar fikricha, Bidunning nasli Sheri Kishvarga borib taqalgan (Sh. Odilov).

Ad.: Abu Bakr an-Narshaxiy, Buxoro tarixi, T., 1966.

---

Lotin alifbosida maqola: ShERI KISHVAR haqida to'liq ma'lumot kategoriyasi: SH harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)