SUVDA SUZISH

SUVDA SUZISH, sportcha suzish — sport turi, rasmiy belgilangan masofaga muayyan usulda sportcha suzish (erkin tarzda, brass, batterflyay usulida, orqa bilan), shuningdek, suv ostida, amaliy, sinxron (badiiy) suzishni oʻz ichiga oladi. Xalqaro olimpiada qoʻmitasi tasnifiga kura, Suvda suzishga suvga sakrash va suv polosoʻ ham kiradi, Suvda suzish zamonaviy 5 kurashning tarkibiy qismi hisoblanadi.

Suvda suzish tarixi 15—16-a. larga toʻgʻri keladi. Suzuvchilarning dastlabki sport musobaqalari 1515-y. Venetsiyada oʻtkazilgan. Ilk suzish maktablari 18-a. ning 2-yarmi — 19-a. ning boshlarida Germaniya, Avstriya, Fransiyada ochilgan. 19-a. oxirida sunʼiy suv havzalari kurila boshlagach, sportcha suzish ommalashib ketdi. 1890-y. S. s. boʻyicha 1Evropa chempiona™ oʻtkazildi. Suvda suzish 1896-y. dan Olimpiada oʻyinlari dasturiga kiritildi (ayollar 1912-y. dan qatnashadi). Xalqaro havaskorlar suzish federatsiyasi (FINA, 1908-y. asos solingan)ga 130 dan ortiq mamlakat milliy federatsiyalari aʼzo.

Oʻzbekistonda qadimdan suvda turli oʻyin va musobaqalar oʻtkazilgan. Suvda suzish sporti respublikada 1924—25 y. lardan rivojlana boshladi. Ana shu davrda ilk gidrostansiyalar qurilgan. Chunonchi, Toshkentda Boʻzsuv toʻgʻon bilan toʻsilib, sunʼiy suv ombori hosil qilindi. Bu yerda 2 ta suv stansiyasi qurilib, suzish havzasi va balandlikdan suvga sakrash minoralari bunyod etildi. 1927-y. 1marta shu yerda Toshkent va Samara (Rossiya) sh. lari jamoalari oʻrtasida suzish musobaqasi boʻlib oʻtdi. 1930-y. Toshkent toʻqimachilik k-ti qoshida stadion va uz. 50 m li suvi isitiladigan ochiq havza qurilib ishga tushirildi. 1935-y. Andijonning sunʼiy suv havzasida 1-marta respublika suv sporti bayrami, Suvda suzish boʻyicha Oʻzbekiston birinchiligi oʻtkaziddi, 1937-y. Toshkentdagi temiryoʻlchilar istirohat bogʻida ochiq suv havzasi qurilib, suzish boʻyicha 1-bolalar-oʻsmirlar sport maktabi tashkil etildi. 1939-y. Oʻzbekistonda Suvda suzish boʻyicha respublika federatsiyasi tuzildi. Oʻtgan asrning 60y. larida Toshkentda (jismoniy tarbiya in-ti qoshida, «Mehnat rezervlari» sport jamiyati huzurida, Armiya sport klubiga qarashli), Navoiy sh. da, boshqa viloyatlarda suvi istiladigan yopiq va ochiq suv havzalari qurilib foydalanishga topshirildi. Respublikada qobiliyatli yosh sportchisuzuvchilar yetishib chiqa boshladi. Olimpiada oʻyinlari, xalqaro musobaqalarda muvaffaqiyatli ishtirok etgan S. Babanina, N. Ustinova, S. Iskandarova, S. Konov, SZabolotnovlar sportning ana shu turida shuhrat qozondilar. Hozir respublikamizning viloyat va tuman markazlarida 200 dan ortiq suv havzalari mavjud.

---

Lotin alifbosida maqola: SUVDA SUZISH haqida to'liq ma'lumot kategoriyasi: S harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)