SULTON MUXAMMAD NUR

SULTON MUXAMMAD NUR (1472 — 1530) — xattot, nastaʼliq xati ustasi. Sulshonali Mashhadiynmng shogirdi. Hirotda Navoiy homiyligida xattotlik sanʼatini oʻrgangan, ijodini ham Navoiyning shaxsiy kutubxonasida boshlagan, turli majlislarda ishtirok etgan. Asosan, Hirotda ijod kilgan, maʼlum muddat Buxoroda ham boʻlgan. Navoiy uning sanʼatini yuqori baholab, oʻz davrida «hech kim mayda nastaʼliq xati yozishda unga teng kelmagan», deb yozgan. Koʻplab shogirdlar tayyorlagan, ulardan Salim Kotib, Ayniy va b. ustozining xat uslubini davom ettirgan. Sulton Muxammad Nur koʻchirgan koʻlyozmalar: Abdulla Hotifiyning «Xamsa» dostonlaridan olingan terma baytlar (1500, Britaniya muzeyida); Saʼdiyning «Boʻston» (1501, Tehrondagi Milliy qutubxonada); Saʼdiy va Jomiy gʻazallari terma «Devon»i (1519, Tehrondagi Saltanat kutubxonasida); Nizomiyning «Xamsa» (1524, NyuYorkdagi Metropoliten muzeyida); Jomiyning «Yusuf va Zulayho» (1528, Istanbuldagi Avliyo Sofiya soborida); «Subhat ulabror» (Lohurda: Muhammad Shafi shaxsiy kutubxonasida); Sharafiddin Ali Yazdiyning «Zafarnoma» (1528; Tehrondagi Saltanat kutubxonasida: Behzod rayem ishlagan); Nizomiyning «Xusrav va Shirin» (1530), Navoiyning «Devon»i (Rossiya milliy kutubxonasida); «Kalila va Dimna» (Hindiston, Rampur sh. da) va b. S. M. N. bitgan qitʼalardan 9 tasi Rossiya milliy kutubxonasida saqlanadi.

Ad.: Bayoniy M., Ahvol va osori xushnavison, 2 j., Tehron, 1967.

---

Lotin alifbosida maqola: SULTON MUXAMMAD NUR haqida to'liq ma'lumot kategoriyasi: S harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)