TARNOV

TARNOV — oʻrtacha kechpishar urugʻsiz, vinobop uzum navi. Hoz. Oʻzbekiston oʻsimlikshunoslik i. t. intida Nimrang va Krra kishmish navlarini chatishtirib chiqarilgan (A. M. Negrul, M. S. Juravel). Tupi oʻrtacha oʻsadi. Barglari oʻrtacha, toʻgarak, besh boʻlmali, orqa tomoni tukli. Guli ikki jinsli. Uzum boshi yirik, konussimon, tigʻiz. Gʻujumi oʻrtacha, dumaloq, sargʻishoch yashil. Poʻsti tarang, yupqa mum/ubor bilan qoplangan. Eti sersuv, sershira. Kurtagi boʻrtgandan keyin faol harorat yigʻindisi 2900° boʻlganda 147 kunda pishadi.

Novdasi yaxshi yetiladi. Hosildorligi 600 s/ga. Sovuqqa chidami past. Sharbatlar, oq va shampan vinolari tayyorlanadi. 1959-y. dan Samarkand va Toshkent viloyatlarida rnlashtirilgan.

---

Lotin alifbosida maqola: TARNOV haqida to'liq ma'lumot kategoriyasi: T harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)