UDMURTLAR

UDMURTLAR (eski nomi — votyaklar) — xalq, Udmurtiyaning tub aholisi (497 ming kishi). Umumiy soni 747 ming kishi (1990-y. lar oʻrtalari). Udmurt tilida soʻzlashadi. Dindorlari — pravoslavlar. Udmurtlarning etnogenezi VyatkaKama dare oraligʻida yashagan qad. qabilalar b-n bogʻliq. Mil. 1-mingyillik oxiri — 2-ming yillik boshida udmurt kabilalariga VolgaKama Bulgʻoriyasi sezilarli taʼsir koʻrsatgan. 16-a. oʻrtalariga qadar Udmurtlar maʼmuriyhududiy birlikka ega boʻlmay, shim. U. Vyatka yerlari tarkibiga, jan. Udmurtlar Qozon xonligi tarkibiga kirgan. Keyinchalik Rus davlati tarkibiga toʻla kirib, yagona boʻlib uyusha boshlagan. Udmurtlar, asosan, dehqonchilik, chorvachilik, ovchilik bilan shugullanadi.

---

Lotin alifbosida maqola: UDMURTLAR haqida to'liq ma'lumot kategoriyasi: U harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)