TELEVIZION MINORA

TELEVIZION MINORA — radio televizion uzatish styasi; televideniye, radioeshittirish, radiotelefon va radiorele aloqasi antennalari oʻrnatiladigan tayanch. Balandligi televizion styaning taʼsir radiusiga va uzatuvchi televizion antennaning soni hamda oʻlchamiga qarab belgilanadi. Televizion minora kanchalik baland boʻlsa, antennalarning taʼsir doirasi shunchalik keng boʻladi. Televizion minoraga bir nechta televizion antennalardan tashqari ultraqisqa toʻlqinli radioeshittirish antennalari, radioreleli aloqa, koʻchma radiotelefon antennalari oʻrnatilishi mumkin. Baʼzan Televizion minoraga meteorologik kuzatish asboblari ham oʻrnatiladi. Televizion minora metall (poʻlat) yoki temirbetondan turli meʼmoriy yechimlarda quriladi. Katta shaharlardagi Televizion minora larning koʻpida shahar manzarasini kuzatish uchun maydoncha, kafe yoki restoran boʻladi. Minora ichiga barcha kommunikatsiya vositalari, yukrrigi ichki qismiga radiouzatkich va b. elektron jihozlar joylashtiriladi.

Dunyodagi eng baland Televizion minora lardan biri Ostankino (Moskva)dagi Televizion texnika markazidir (533,3 m, 1967). Kanadadagi Toronto T. m. si dunyodagi eng baland minora hisoblanadi (550 m, 1974). Tokioda 600 m li Televizion minora qurishga kirishildi (2004-y.).

Toshkentda 2 ta Televizion minora bor (180 m, 1956; 375 m, 1985) (q. Toshkent televizion minorasi).

---

Lotin alifbosida maqola: TELEVIZION MINORA haqida to'liq ma'lumot kategoriyasi: T harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)