TILAK

TILAK Balgangadhar (1856.25.6, Ratnagiri, Maxarashtra — 1920.1.8, Bombey) — Hindiston milliy ozodlik harakati rahbari, mutafakkir. 1879-y. Puna sh. dagi Dekan kollejini tugatgan, huquqshunoslik fanlari bakalavri. 1880-y. Punada doʻstlari bilan mustaqil kollej tashkil qilib, unda oʻquvchilarga milliy vatanparvarlik ruhida taʼlim bergan. 19-a. ning 80—90 y. larida Tilak mamlakatdagi milliy ozodlik harakatining demokratik oqimiga rahnamolik qilgan. Hindiston Milliy kongressi (HMK) soʻl demokratik oqimi tashkilotchisi va rahbari. Uning taʼsirida mamlakatning yirik shaharlarida miting va namoyishlar, ish tashlashlar boshlangan. Inglizlar T. ni terrorchilikda ayblab, bir necha marta (1882, 1897, 1908) qamashgan. 1914-y. turmadan ozod etilgach, gomrul deb atalgan ommaviysiyosiy harakat (Britaniya imperiyasi tarkibida oʻzoʻzini boshqarish huquqiga ega boʻlish uchun kurash)ni tashkil etgan. Tilak qad. hind adabiyoti Vedalar hamda hind tamaddunining kelib chiqishiga bagʻishlangan ilmiy asarlar yozgan.

---

Lotin alifbosida maqola: TILAK haqida to'liq ma'lumot kategoriyasi: T harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)