TMK-22

TMK-22 (Toshkent, Moskva, Kuba nomlari bosh harflaridan) — oʻrtapishar pomidor navi. Oʻzbekiston sabzavot, poliz ekinlari va kartoshkachilik intida Oʻzbekiston, Rossiya va Kuba olimlari hamkorligida Xeyns va L178 navlarini chatishtirib yaratilgan (Ye. Yermolova, V. F. Pivovarov, S. T,Pessova, G. I. Klenova, 1986). Duragaylarning 1—2avlodi sinovlari va tanlash Toshkentda, 3avlodini sinash Kubada, 4—7avlodi sinovlari Toshkentda oʻtkazilgan. Tupi, shoxlanishi oʻrtacha, bal. 65—70 sm, mevasi yirik (120—145 g), choʻziq yumaloq, yuzasi silliq, pusti va eti qattiq, rangi qizil, tashishga chidamli. Tupida uzok, turib qolsa ham sifati buzilmaydi. Tarkibida quruq modda 5,6%, qand 3,2%, S vitaminni 27 mg %.

Urugʻi issiqxonalarda fev. 3dekadasida sepilib, koʻchati Toshkent viloyatida apr. 2dekadasidan mayning 2 dekadasigacha 90×25 yoki 110x70x20 sm sxemasida ekiladi. Urugʻi unib chiqqach mevasi 120—125 kunda pishadi. Hosildorligi 450—700 s/ga. 1990-y. da davlat reyestriga kiritilgan. Oʻzbekistonning hamma viloyatlari, Qirgʻiziston, Tojikistonda ekiladi. Uzok, masofalarga tashishga chidamli.

---

Lotin alifbosida maqola: TMK-22 haqida to'liq ma'lumot kategoriyasi: T harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)