TOLIPOV

TOLIPOV Obid (1918.7.11 Toshkent —1994.15.12) — Oʻzbekiston xalq artisti (1978). 2jahon urushi qatnashchisi. Lohutiy nomidagi oʻzbek davlat teatr texnikumini tugatgan (1937). 1937-y. dan Yosh tomoshabinlar teatri aktyori. «Yetim va yetima» (Gʻ. Zafariy) spektaklidagi Yetim roli Tolipovning sahnadagi ilk obrazidir. «Oqarib koʻrinar yolgʻiz yelkan»dagi Petya, «Nasriddinning kechmishlarida» oʻgʻri, «Tom togʻaning kulbasi»da Jon, «Oppogʻim»da Dik, «Uch mushketyor»da Lyudovik, «Oʻqituvchi»da Ramazon qori, «Allomaning yoshligi»da Kongirbek, «Oltin tulpor»da Qirol, «kim aybdor»da Abdusamat kabi rollari bilan shuhrat qozondi. Tolipov dramaturg sifatida I. Ahmedov bilan xamkorlikda «Sirli sandiq», «Qimirlagan qir oshar», «Zumrad va Qimmat», «Toʻgʻri va Egri» kabi ertakpyesalar yozib yosh tomoshabinlarga takdim etgan.

---

Lotin alifbosida maqola: TOLIPOV haqida to'liq ma'lumot kategoriyasi: T harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)