TOMSK

TOMSK — RF Tomsk viloyatidagi shahar (1782-y. dan), viloyat markazi. Tom daryosining oʻng sohilida. Daryo porti. Tomsk stansiyasi, daryodan t. y. ga, temir yoʻldan daryoga yuk ortiladigan punkt. Aeroport bor. Aholisi 478 ming kishi (1998). 3 shahar tumani mavjud.

Tomsk 1604-y. da vujudga kelgan. 1804 — 1925-y. larda gubernya markazi. Shahar 19-a. ning 30-y. lari oxiridan, Tomsk va Yenisey gubernyalarida koʻplab oltin qazib olina boshlashi munosabati bilan, Sibirning muhim savdo, hunarmandchilik va tranzit markazi boʻlib qoldi. Tomskda 1880-y. da Rossiyaning Osiyo qismida birinchi unt, 1896-y. da Sibirda birinchi oliy texnika oʻquv yurti — texnologiya inti ochilgan. 1880-y. dan Tomsk podsho Rossiyasining surgun joyi edi.

Tomskda mashinasozlik va metallsozlik (priborsozlik, elektrotexnika sanoati, podshipniklar, asboblar va b.), kimyo, yogʻochsozlik, oziq-ovqat, yengil sanoatlari rivojlangan. Qurilish materiallari korxonalari bor. Shaharda Rossiya FA Sibir boʻlimining ilmiy markazi; 6 oliy oʻquv yurti (shu jumladan, unt), 3 teatr, muzeylar (shu jumladan, Tomsk unti muzeyi), Botanika bogʻi mavjud. Meʼmoriy yodgorliklardan: Voskresenskaya cherkovi (18-a. oxiri — 19-a. boshlari), savdo rastalari (18—19-a. lar) saklangan.

---

Lotin alifbosida maqola: TOMSK haqida to'liq ma'lumot kategoriyasi: T harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)