TOSHKENT PEDAGOGIKA UNIVERSITETI

TOSHKENT PEDAGOGIKA UNIVERSITETI, Nizomiy nomidagi Toshkent davlat pedagogika universiteti — malakali pedagog va muhandispedagog kadrlar tayyorlovchi oliy oʻquv yurti. 1935-y. 14 sent. da Oʻrta Osiyo davlat untining ped. fakulteta negizida pedagogika inti sifatida tashkil etilgan. 1953—98 y. larda Toshkent pedagogika inti deb nomlangan. 1998-y. 24 fev. da OʻzR Vazirlar Mahkamasining qarori bilan unga unt maqomi berilgan. 1947-y. dan ozarbayjon shoiri va maʼrifatparvari Nizomiy nomi bilan ataladi. Untda 12 ft (mat. fizika, tabiiy fanlar, musiqiy taʼlim, badiiygrafika, ped. va psixologiya, boshlangʻich taʼlim va defektologiya, oʻzbek tili va adabiyoti, tarix, chet tillar, rus va koreys filol. si, chaqiriqqacha harbiy taʼlim, kasb taʼlimi), shuningdek, magistrlar tayyorlash boʻyicha 2 ft (ijtimoiygumanitar fanlar mutaxassisliklari, tabiiy fanlar mutaxassisliklari), malaka oshirish va mutaxassislarni qayta tayyorlash boʻyicha 2 ft (malaka oshirish, amaliy psixologlarni qayta tayyorlash), 55 kafedra, axborot texnologiyalari va masofadan oʻqitish, innovatsion texnologiyalar, akademik litseylar va kasbhunar kollejlari bilan aloka markazlari, taʼlim jarayonini taʼminlash va oliy taʼlim muassasalariga ilmiymetodik yordam koʻrsatish oʻquv boʻlimi, pedagogik amaliyot, oliy oʻquv yurtlararo oʻquvmetodik boʻlim, monitoring va ichki nazorat kabi 18 boʻlim bor. Kutubxonasida 900 mingga yaqin asar saqlanadi. Unt mat. va informatika, fizika va astronomiya, kimyo va ekologiya, biol. va inson hayot faoliyati muhofazasi, geogr. va iqtisodiy bilim asoslari, tasviriy sanʼat va muxandislik grafikasi, ped. va psixologiya, kasb taʼlimi, musiqiy taʼlim, oʻzbek tili va adabiyoti, ona tili va adabiyoti (rus, qozoq, koreys), chaqiriqqacha harbiy taʼlim, xorijiy tillar va adabiyot, milliy istiqlol gʻoyasi, huquq va maʼnaviyat asoslari, boshlangʻich taʼlim va sporttarbiyaviy ish, maktabgacha taʼlim va bolalar sporti, defektologiya, jismoniy tarbiya va jismoniy madaniyat, mehnat taʼlimi yoʻnalishi boʻyicha bakalavrlar hamda shu yoʻnalishlarga kirgan 37 mutaxassislik boʻyicha magistrlar tayyorlaydi. Untda aspirantura va doktorantura hamda nomzodlik va drlik dissertatsiyasi himoyasi boʻyicha ixtisoslashtirilgan ilmiy kengash faoliyat koʻrsatadi. 2003/04 oʻquv yili untda 13269 talaba taʼlim oldi, 779 oʻqituvchi, jumladan, OʻzR Fanlar akademiyasining 3 haqiqiy aʼzosi, 40 fan dri va prof., 450 fan nomzodi va dotsent ishladi. Unt respublikada pedagog kadrlar tayyorlovchi barcha oliy taʼlim muassasalari uchun tayanch oliy maktab hisoblanadi. Un-t faoliyati Abdullayev, M. Asqarova, M. G. Davletshin, N. M. Mallayev, R. X. Mallin, 3. R. Nuriddinov, S. Rajabov, H. Sulaymonov, H. T. Tursunov, M. Shayxzoda, E. Yu. Yusupov, Ya. Gʻulomov, H. Homidiy va b. prof. oʻqituvchilar nomi bilan bogʻliq. Un-tda «Pedagogik taʼlim» (1999-y. dan), «Axborot texnologiyalari» (2002-y. dan) jurnalilari, «Maʼrifat yoʻlida», «Pedagog» koʻp tirajli gaz. lar nashr etiladi. 2004-y. gacha unt 74 mingga yaqin mutaxassis tayyorlagan. 2004-y. 23-martda unt oldidagi maydonda Nizomiy Ganjaviy haykali (meʼmori Valeriy Akopjanyan, haykaltaroshi Ilhom Jabborov) oʻrnatildi. Mazkur haykalning tantanali ochilish marosimida Oʻzbekiston Respublikasi Prezidenti I. Karimov va Ozarbayjon Respublikasi Prezidenti I. Aliyev ishtirok etdi.

---

Lotin alifbosida maqola: TOSHKENT PEDAGOGIKA UNIVERSITETI haqida to'liq ma'lumot kategoriyasi: T harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)