TRABZON

TRABZON, Trapezund — Turkiyaning shim. sharqiy qismidagi shahar. Qora dengiz boʻyidagi port. Trabzon elining maʼmuriy markazi. Aholisi 215 ming kishi (2000). Transport yoʻllari tuguni. Oziq-ovqat, kemasozlik, qurilish materallari, tamaki sanoati korxonalari bor. Hunarmandchilikda zigʻir va jundan turli buyumlar tayyorlanadi. Unt, aeroport mavjud.

Trabzon mil. av. 8-a. oʻrtalarida barpo qilingan. Muhim port va savdo markazi boʻlgan. Mil. av. 2-a. da rimliklar bosib olgan. 1204—1461-y. larda Trapezund saltanatining poytaxti. 1461-y. dan turklar qoʻl ostiga oʻtgan. Meʼmoriy yodgorliklardan jome masjidlari, cherkovlar, qalʼa (13-a.) va b. saqlangan.

---

Lotin alifbosida maqola: TRABZON haqida to'liq ma'lumot kategoriyasi: T harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)