TRAKAY

TRAKAY (Trakai) (1917-y. gacha rasmiy nomi Troki) — Litvadagi qad. shahar. Trakay tumani markazi. Trakay koʻllari oʻrtasida joylashgan. Vilnyusdan 28 km gʻarbda (avtobuslar qatnaydi). Yaqin t. y. stansiyasi — Lentvaris (9 km). Aholisi 6,2 ming kishi (1995). Landshafti muhofaza qilinadi. Tarixiy muzey bor. T. ga 1341-yilda asos solingan. 14—15-a. larda buyuk Litva knyazligining muhim siyosiy markazi va Litva knyazlari qarorgohi. Mudofaa majmuasi (shu jumladan, Galva koʻlidagi orolda joylashgan qasr, 14 — 15-a. boshi), Vituato cherkovi (15—18-a. lar), atrofida yogʻochdan ishlangan karaimlar ibodatxonasi (19-a. ning 1yarmi) kabi meʼmoriy yodgorliklar saqlangan.

Trakayda har yili xalqaro suv sporti musobaqalari boʻlib oʻtadi. Turizm rivojlangan.

---

Lotin alifbosida maqola: TRAKAY haqida to'liq ma'lumot kategoriyasi: T harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)