TRAPEZUND IMPERIYASI

TRAPEZUND IMPERIYASI — Kichik Osiyoning shim. sharqidagi davlat (1204—1461). Poytaxti — Trapezund (hoz. Trabzon). Vizantiya imperatori Andronik I ning nabiralari Aleksey va David Komninlar tomonidan barpo etilgan. Ularga Gruziya malikasi Tamara hamkorlik qilgan. 1243-y. moʻgʻullar istilosi davrida Trapezund imperiyasi saljuqiylar va Nikeya imperiyasi bilan ittifoq tuzgan, lekin ittifoqchilar tormor keltirilgan. Trapezund imperiyasi moʻgʻullarga oʻlpon toʻlash majburiyatini olgan. 14-a. boshida Trapezund imperiyasi Ok qoʻyunlilar bilan kurash olib borgan. 1456-y. T. i. usmoniylarga oʻlpon toʻlagan, 1461-y. sulton Mehmed II qoʻshini Trapezund imperiyasini bosib olib, uni Usmonli turk imperiyasining bir viloyatiga aylantirgan.

---

Lotin alifbosida maqola: TRAPEZUND IMPERIYASI haqida to'liq ma'lumot kategoriyasi: T harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)