VISMAR

VISMAR — Germaniyaning Meklenburg-Old Pomeraniya yeridagi shahar. Boltiq dengizidagi Vismar qoʻltigʻining jan. sohilida. Aholisi 55 ming kishi (1990-y. lar oʻrtalari). Mamlakatning yuk oboroti boʻyicha va asosiy baliq ovlaydigan yirik portlaridan biri. Kemasozlik va unga xizmat qiladigan korxonalar rivojlangan. Oziq-ovqat (shakarqand), yogʻochsozlik, qogʻoz, kimyo sanoati korxonalari bor. V. qadimda savdo markazlaridan biri boʻlgan. 1229-y. dan shahar, 1256-1358-y. larda Meklenburg knyazlarining qarorgohi, 1648—1803-y. larda Shvetsiya tarkibida boʻlgan. Meʼmoriy yodgorliklaridan Nikolaykirxe gotika cherkovi (1381-y.) va b. saqlangan.

---

Lotin alifbosida maqola: VISMAR haqida to'liq ma'lumot kategoriyasi: V harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)