VOLOGDA VILOYATI

VOLOGDA VILOYATI — RF tarkibidagi viloyat. 1937-y. 23 sent. da tuzilgan. Vologda viloyati vda 15 shahar va 14 shaharcha bor. Mayd. 145,7 ming km2. Aholisi 1367 ming kishi (1999). Markazi — Vologda sh. V. v. ning yer yuzasi tekislik. Qazilma boyliklari: torf, qoʻngʻir temirtosh, oʻtga chidamli gil, kvars qumlari, osh tuzi va mineral buloqlar. Iqlimi moʻtadil kontinental. Yanv. ning oʻrtacha t-rasi — 14°, iyulniki 18». Yiliga 500 mm yogʻin tushadi. Eng yirik daryolari: Suxona, Yug, Mologa, Sheksna va b. V. v. dan Volga-Boltiq suv yoʻli va Shim. Dvina kapali oʻtadi. Koʻllari: Onega, Beloye, Kubena. Jan.-gʻarbida Ribinsk suv ombori bor. Tuproklari chimli-podzol, allyuvial va chimli karbonatli, botqoq tuproqlar. Mayd. ning 70 — 80% oʻrmon, 12% botqoqlik.

Vologda viloyati RFdagi eng yirik yogʻoch tayyorlash va yogʻochsozlik sanoati r-nlaridan biri. Yirik sellyuloza-qogʻoz k-tlari, qogʻoz, karton f-kalari, fanera korxonalari bor. Qora metallurgiya (Cherepovesda metallurgiya k-ti, Velikiy Ustyugda quyish-mexanika z-dlari) yetakchi tarmoq hisoblanadi. Mashinasozlik (Cherepoves, Vologda), metallsozlik (arra, yogʻoch tilish ramalari, sudrash traktorlari, qogʻoz tayyorlash mashinalari va b. ishlab chikariladi), oʻrmon kimyosi, yengil sanoat ham muhim oʻrin tutadi. Oziq-ovqat sanoatida chorvachilik mahsulotlaridan sut, goʻsht, yogʻ, pishloq tayyorlanadi. Koʻllardan baliq ovlanadi. Badiiy hunarmandchilik (krujevo toʻqish va b.) rivojlangan.

Q. x. sut chorvachiligi va zigʻirchilikka ixtisoslashgan. Asosiy ekinlari — javdar, suli, arpa, tolali zigʻir, yemxashak ekinlari, kartoshka, sabzavot. Chorvachilikda qoramol, choʻchqa, qoʻy va echki, parranda boqiladi. Vologda viloyati hududidan Moskva — Arxangelsk, Kirov — SanktPeterburg t. y. oʻttan. Volga-Boltiq suv yoʻli va Shim. Dvina suv sistemasida kemalar qatnaydi. Vologda viloyatida 3 oliy oʻquv yurti, 3 teatr, 4 muzey bor.

---

Lotin alifbosida maqola: VOLOGDA VILOYATI haqida to'liq ma'lumot kategoriyasi: V harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)