TOʻYTEPA

TOʻYTEPA — Toshkent viloyati Oʻrta Chirchiq tumanik&tch shahar (1973-y. dan), tuman markazi. Toshkentdan 37 km. Yaqin t. y. stansiyasi — Chigʻiriq (5 km). Aholisi 25,3 ming kishi (2004).

Qad. da T. Mingtepa, Nukat nomlari bilan maʼlum boʻlgan. Shahar toʻgʻrisidagi dastlabki maʼlumotlar uning rivojlangan davri (10—12-a. lar)ga toʻgʻri keladi. Shaharda 8 sanoat korxonasi faoliyat koʻrsatadi. Ishlab chiqarish. birlashmalari, metall konstruksiyalari, paxta tozalash zdlari, don qabul qilish korxonasi ishlab turibdi. 3 ta yengil sanoat korxonasi, 2 ta oʻquvtajriba korxonasi va b. bor. Qoʻshma korxonalardan Koreya Respublikasi bilan hamkorlikdagi «Husayn Mirzo», «Kabul—Toʻytepa LTD» ip yigiruvtoʻquv, Oʻzbekiston — Turkiya «Bursel» (erkaklar koʻylaklari tikiladi) qoʻshma korxonalar mashhur. Toʻytepada 200 dan ortiq davlat va xususiy tijorat korxonalari faoliyat koʻrsatadi. 4 umumiy taʼlim maktabi, kattalar va bolalar kutubxonalari, madaniyat uyi, 3 kasalxona, 3 poliklinika bor.

Toʻytepa avtomobil yoʻllari orqali Toshkent sh. va b. shaharlar bilan bogʻlangan. Toʻytepa yaqinidan Toshkent — Angren t. y. oʻtadi. Shaharning jan. gʻarbida Tuyaboʻgʻiz suv ombori («Toshkent dengizi») joylashgan.

---

Lotin alifbosida maqola: TOʻYTEPA haqida to'liq ma'lumot kategoriyasi: T harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)