TOʻRAMON

TOʻRAMON, Toromana (?—515) — eftaliplar sardori (490—515). Mil. 5-a. oʻrtalarida eftaliylar xioniylar (oq hunlar) bn ittifoq tuzganlar. Oʻrta Osiyoni zabt etgach, ular Kobul vodiysidagi kushonshohlar mulkini tobe etib, Hindistonga yurish boshlagan va u yerdagi soʻnggi yirik quldorlik davlati — Guptalar davlatini bosib olishga kirishganlar (490). 5-a. oxiri — 6-a. boshida Toʻramon bu davlatning katta qismini bosib olishga erishgan. T. Markaziy Hindistondagi Malava viloyatini egallab olgan. Shu tariqa eftaliylarning hind tarmogʻi Shim. Gʻarbiy Hindistonda yarim mustaqil davlat tuzgan, u qarorgohi Buxoro yaqinidagi Poykendsa boʻlgan eftaliylarning oliy hukmdoriga maʼlum maʼnoda qaram boʻlgan. Toʻramonning oʻgʻli Mixirakula Shakala sh. (hoz. Sialkot)ni oʻziga poytaxt qilgan.

---

Lotin alifbosida maqola: TOʻRAMON haqida to'liq ma'lumot kategoriyasi: T harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)