XIMERASIMONLAR

XIMERASIMONLAR, ximeralar (Chimaeriformes) — baliklarning bir turkumi. 3 oilaga mansub 30 turi maʼlum. Tanasining uz. 60 sm dan 2 m gacha. Urgʻochisi erkagidan yirikroq. Birinchi orqa suzgichi oldidagi tikanlari suzgichlar bilan birga yelpigʻichsimon yigʻilishi va yoyilishi mumkin. Keyingi orka suzgichi juda uzun, dum suzgichiga yakin joylashgan. Dum suzgichi uchi ipsimon. Juft suzgichi ham yelpigʻichsimon. X. Atlantika, Tinch va Hind okeanlarining chuqur (2500 m gacha) joylarida yashaydi. Ichki urugʻlanadi. Har biri 12—42 sm li kapsula ichida ikkita tuxum qoʻyadi. Tuxumdan 9—12 oyda yosh baliqcha chiqadi. AQSH (Tinch okean sohillari), Argentina, Chili, Yangi Zelandiya, Xitoyga yakin suv havzalaridan ovlanadi. Baʼzi joylarda jigaridan olingan yogʻ dori va surkov moy sifatida qoʻllanadi.

---

Lotin alifbosida maqola: XIMERASIMONLAR haqida to'liq ma'lumot kategoriyasi: X harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)