XOLDOROV

XOLDOROV Olimjon (taxallusi Olimjon Xoddor; 1932.18.9, Andijon viloyati Buloqboshi tumani Kulla qishlogʻi) — shoir va yozuvchi, dramaturg. Oʻzbekistonda xizmat koʻrsatgan sanʼat arbobi (1992), prof. (2002). Fargʻona ped. intini tugatgan (1952). Andijon radiosida muharrir (I960), «Kommunist» (1965) va «Yosh leninchi» (1966 — 68) gaz. larida muxbir. Oʻzbekiston Yozuvchilar uyushmasining Andijon boʻlimi boshligʻi (1968—83). Dastlabki sheʼrlar toʻplami — «Argʻuvon tagida» (1965). X. «Andijon suluvlari» (1968), «Kaftimdagi tuproq» (1970), «Oshiqona» (1972), «Andijon bahori» (1976), «Subhidam qoʻshiqlari» (1977), «Kumush kosa» (1979), «Toʻyonatoʻyona» (1982), «Yer farzandi» (1986), «Senga intilaman» (1986), «Davrani keng oling» (1990), «Koʻz tegmasin» (1992) kabi toʻplamlar muallifi. Shuningdek, u «Men — Andijonman», «Andijon samosi», «Kelajakdan bir sado», «Roz», «Karvon qoʻngʻirogʻi» kabi liroepik asarlar ham yozgan. 100 dan ortiq gʻazallariga kuylar bastalangan.

X. dramaturgiya sohasida xam bir qancha asarlar yozgan («Qotil kim», 1992; «Sevgi afsonasi», 1992; «Anda jon qoldi», 1999). Asarlarida inson goʻzalligi, maʼnaviy olami, mehrmuhabbat va sadoqat haqida bahs yuritiladi. Xoldorovning soʻnggi yillarda yirik epik janrlarga mansub «Koʻngil» (1992) qissasi, «Arosat» (1993), «Mirkomilboy» (1998) romanlari va b. asarlari eʼlon kilindi. Bolalarga bagʻishlangan «Boboruh» (2000) pyesasi ham bor.

As: Saylanma, 3 j. li, T., 2001; Pyesalar, T., 2002.

Ad.: Vodiy kuychisi, T., 1992; Olimjon Xoldor, T., 2002.


Lotin alifbosida maqola: XOLDOROV haqida to'liq ma'lumot kategoriyasi: X harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)



TOSHKENT
ANDIJON VILOYATI
YER
ALISHER NAVOIY
XITOY


Добавить комментарий