YEVROPEOID IRQI, Yevrosiyo irqi — insoniyatning asosiy katta irqlaridan biri. Terisining tiniqligi, mayin va jingalak sochlari, serjunligi (erkaklarda), oldinga turtib chikkan ingichka burni, yupqa labi, ortognatizm (yuz va jagʻ suyaklarining oldinga turtib chikmaganligi) va b. belgilari bilan ajralib turadi. Yevropa, Shim. Afrika, Old Osiyo, Shim. Hindistonda tarqalgan; yevropaliklarning koʻchib borishi natijasida Amerika, Avstraliya va Jan. Afrikaga ham yoyilgan.