«XOREZMSKAYA PRAVDA» («Xorazm haqiqati») — rus tilida chiqadigan ijtimoiysiyosiy gazeta. Urganch sh. da haftada 2-marta chop etiladi. Muassisi: Xorazm viloyati hokimligi. Dastlab, 1921-y. 6-iyuldan Xivada «Izvestiya Polnomochnogo predstavitelstva RSFSR v Xorezmskoy Sovetskoy Respublike» (Xorazm Sovet Respublikasidagi RSFSR muxtor vakilligining madaniymaʼrifiy komissiyasi organi sifatida), keyin «Posledniye vesti» («Soʻnggi xabarlar») nomi bilan rus tilida haftada 3-marta chiqa boshlagan. 1927-y. 21-maydan shu gaz. oʻrniga «Inqilob quyoshi» gazetasiga ruscha ilova — «Solnse revolyutsii» nashr etilgan. 1941-y. 1 yanv. dan hoz. nomda.
Gaz. ga turli davrlarda I. Bik, G. Zavelskiy, V. Nikolayev, P. Podvarkov, K. Sergeyev, G. Gulыshsh, B. Pereplesnin, P. Borodin, Ye. Tipikin, V. Milgotin, O. Demchik, G. Rahimboyeva va b. muharrirlik qilishgan. Muharriri R. Iskandarov (1995-y. dan). Adadi 1048 (2004).