XOʻJANOV Sultonbek Xoʻjanovich

XOʻJANOV Sultonbek Xoʻjanovich (1894, hoz. Jan. Qozogʻiston viloyatining Turkiston tumanidagi Aksumbe ovuli — 1938.10.2) — davlat va jamoat arbobi. Toshkentda qozoq tilida nashr etilgan «Birlik tugʻi» gaz. ning muharriri (1917). Sirdaryo viloyati inqilobiy qoʻmitasi raisi (1920), Turkiston ASSR ichki ishlar (1920—21), maorif (1921—22), yer ishlari (1923—24) xalq komissari, Turkiston ASSR MIK raisi oʻrinbosari (1924).

(RKPb) Qozogʻiston oʻlka komiteta kotibi va Markaz (VKPb) MKda milliy respublikalar va viloyatlar boʻyicha masʼul xodim (1925). X. milliy masalada «ogʻmachilik»ka yoʻl qoʻygan deb ayblangan va unga «xoʻjanovchilik» tamgʻasi bosilgan. X. keyinchalik Toshkentda (VKPb) MK Oʻrta Osiyo byurosi tashviqot-targʻibot boʻlimida ishladi (1928—29), Oʻrta Osiyo paxtachilikirrigatsiya politexnika inti birinchi rektori (1929—31), «Oʻrta Osiyo paxtachilik markazi» boshqarmasi raisi (1931—32); Moskvada «Soyuzxlopok» boshqarmasi raisining oʻrinbosari (193233), SSSR IshchiDehqon nazorati xalq komissarligida paxtachilik boʻlimi boshligʻining oʻrinbosari (1933—34); SSSR Yer ishlari xalq komissarligining Oʻrta Osiyodagi (Toshkent) vakolatxonasi raisi (1934), Oʻzbekiston paxtachilik tresti direktorining oʻrinbosari (1934).

X. matbuot, maorif va madaniyat, tarix va adabiyot masalalari bilan ham faol shugʻullangan. U «aksilinqilobiy qozoq millatchilik tashkiloti»ning rahbarlaridan biri sifatida ayblanib, 1937-y. 16-iyunda qamoqqa olingan va otishga hukm qilingan (1938-y. 8 fev.). 1957-y. da oklangan.


Lotin alifbosida maqola: XOʻJANOV Sultonbek Xoʻjanovich haqida to'liq ma'lumot kategoriyasi: X harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)



TOSHKENT
QOZOGʻISTON
XITOY
JADIDCHILIK
ROSSIYA


Добавить комментарий