YOSUMAN — folklor va yozma adabiyotda makkorlik ramzi boʻlgan salbiy personaj. Yo. odatda aldov, qiyla bilan pok insonlarning hayotiga zomin boʻladi. Qiz b-n ota, ona bilan oʻgʻil, oshiq bilan maʼshuq orasiga nifoq soladi. Mas, Alisher Navoiyning «Farhod va Shirin» dostonidagi Yosuman yengilmas Farhodni hiyla b-n behush qilib, Xisrav huzuriga keltiradi. Yosuman afsona, ertak va dostonlarda jodugar, ayyor, makkor, hiylagar kampir nomlari bilan ham yuritiladi.