YoSHLAR MUSIQASI

YoSHLAR MUSIQASI — ommaviy musika turi, 20a. ning 2yarmida yoshlar orasida keng tarqalgan turli musiqiy uslublarning umumiy ifodasi. Raqsbop musiqa yoʻnalishlari (roknroll, bigbit, disko, breykdans, elektropop, reyv, trans kabi) hamda turli mavzudagi qoʻshiq asarlari (rokmusika, fank, reggey, rep va h. k.)dan tarkib topgan. Yoshlar musiqasi namunalari diskoteka, yoshlar klubi, dansing (rake maydonchasi), stadion kabi maxsus joylarda zamonaviy texnika vositalari yordamida ijro etiladi, yeshlarning maʼnaviy va jismoniy ehtiyojlarini qondirib, ularning dunyoqarashi, histuygʻulari va intilishlarini aks ettiradi. Ommaviy oʻyin tarzidagi namunalari — joʻshqin, quvnoq kayfiyatli, baʼzan sershovqin oʻyin ruhida yaratiladi. Qoʻshiqlar mazmunida yoshlarga xos erkinlik, baʼzan axloqodobdan chiqib ketish, shuningdek, umuminsoniy mavzu (sevgimuhabbat, doʻstlik, vatan haqida va h. k.) oʻrin olgan. Yoshlar musiqasi asoschilaridan amerika xonandasi Elvis Presli, «Bitlz» va b. mashhur. Oʻzbekistonda Yoshlar musiqasi 1960y. lar oxiri — 1970y. lar oʻrtasida asosan VIA yoki rokansambl shaklida («Sintez», «Yalla», keyinchalik «Navo», «Sado» va b. guruhlar) paydo boʻlib, ayniqsa mustaqillik davrida rivoj topdi («Anor», «Bayram», «Bolalar», «Dado», «Nola», «Setora», «Shahzod» guruxlari va b.). 2000—2001-y. lar Oʻzbekistonning turli viloyatlarida yoshlar uchun «Hech kimga bermaymiz seni, Oʻzbekiston» mavzuidagi hamda giyohvandlikka qarshi adabiymusiqiy shoular boʻlib oʻtdi. Yosh ijodkorlar (jumladan Yoshlar musiqasi ijrochilari) uchun «Nihol» (2000-y. dan) kabi Respublika mukofotlari taʼsis etilgan.

---

Lotin alifbosida maqola: YoSHLAR MUSIQASI haqida to'liq ma'lumot kategoriyasi: Y harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)