YOGʻOCHTESHARLAR (Cossidae) tun lam kapalaklar oilasi. Avstraliya Yo. ning kanotlari yoyilganida 220 mm ga yetadi, xartumi reduksiyaga uchragan. Xilma-xil rangda, Shim. yarim sharda tarqalgan Yogʻochtesharlar koʻproq kulrang yoki koʻngʻir, qanotlari toʻrsimon boʻladi. 800 turi bor, koʻpincha tropik Osiyo va Afrikada tarqalgan. Oʻrta Osiyoda oʻnlab turi uchraydi. Yogʻochtesharlarning kurtlari yalangʻoch, etdor; daraxtlarning yogʻochligida uzun yoʻl ochadi (nomi shundan olingan), baʼzan oʻtlar ildizi, piyozi va poyasida ham uchraydi. Yogʻochtesharlar rivojlanishi 2—3 y. davom etadi, kurtlik davrida qishlaydi.