GUBSKAYA Vera Nikolayevna

GUBSKAYA Vera Nikolayevna [1906.26.8 (8.9), Kerch – 1953.19.10, Toshkent] – balet artisti, baletmeyster, pedagog. Oʻzbekistan xalq artisti (1944). Toshkent rus opera va balet teatrida balet artisti (1930 – 35). 1939 – 42 y. lar Navoiy teatrida baletmeyster va pedagog. 1943 — 48 y. lar Muqimiy, Toshsovet nomidagi va Yangiyoʻl teatrlarida bosh baletmeyster. Tamaraxonim nomidagi Respublika balet maktabida oʻqituvchilik qilgan (1935 — 41). Gubskaya inson feʼl-atvori, his-tuygʻusi va fikrlarini mumtoz raqs harakatlari orqali ishonarli tasvirlay olgan. Eng yaxshi partiyalari: Raymonda («Raymonda»), Kitri («Don Kixot»), Zarema («Boqchasaroy favvorasi»), Odetta — Odiliya («Oqqush koʻli») va b. Oʻzbek va mumtoz raqs shakllarini uygʻunlashtiradigan «Bahor», «Quvonch», «Paxta» va b. xoreografik miniatyuralarni, shuningdek, «Gulandom» (Usta Olim Komilov, Tamaraxonim, I. Arbatov bilan hamkorliqda), «Uyqudagi goʻzal», «Baxt sohili» baletlarini, 20 dan ortiq musiqiy-dramatik spektakllar raqsini sahnaga qoʻygan.

---

Lotin alifbosida maqola: GUBSKAYA Vera Nikolayevna haqida to'liq ma'lumot kategoriyasi: G harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)