GOʻRIFOTIMA

GOʻRIFOTIMA (yuqori oqimida Gulxossoy, oʻrta oqimida Togʻchisoy) — Surxondaryo viloyati Sariosiyo tumanidagi soy. Toʻpolondaryoga chapdan quyiluvchi Obizarang (Dashnobod) daryosining chap irmogʻi. Uz. 22 km, havzasining mayd. 116 km2. Navoiy togʻlari (3836 m)dan oqib tushuvchi oʻndan ortiq irmoqlarning qoʻshilishidan hosil boʻladi. Suvining asosiy qismi Tojikiston Respublikasi hududida vujudga keladi. Goʻrifotima asosan qor, yomgʻir, buloqlar va qisman muzliklar suvidan toʻyinadi. Oʻrtacha suv sarfi 1,46 m3/sek. Suvining asosiy qismi (70%) mart-iyunda oqib oʻtadi, eng sersuv oylar — apr. (4,17 m3/sek), iyun (3,78 m3/ sek), nisbatan kam suvli davr — sent.yanv. (oʻrtacha 0,50 m3/sek). Goʻrifotimada baʼzan sel toshqinlari boʻlib, suv sarfi keskin ortadi (21 m3/sek, 1976-y. 29 apr.). G. suvining asosiy qismi sugʻorishga sarflanadi.

---

Lotin alifbosida maqola: GOʻRIFOTIMA haqida to'liq ma'lumot kategoriyasi: G harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)