БАТУН ПИЁЗИ (Allium fi stulosum L.) — кўп йиллик сабзавот экини. Бош пиёз ҳосил қилмайдиган, асосан, барраси (барги) учун экиладиган пиёз тури. Ватани Хитой ва Монголия. Бир жойда 3—4 йил ўсади. Барги 25 — 30 см га етганда йиғиштириб олинади. Ҳосиддорлиги 300 ц/га. Таркибида С витамини кўп. Кўк ҳолида истеъмол этилади. Уруғи ва бачкидан кўпайтирилади. Ўзбекистонда барра пиёз сифатида экилади.