БИЛЛУР САРОЙ

БИЛЛУР САРОЙ (Grystal Palace) Лондондаги иншоот. Муҳандислик санъатининг ноёб намунаси. Гайдпаркда Бутунжаҳон кўргазмаси очилиши муносабати билан ягона нусхада қурилган. Сарой 4 ой (26.9.1850 12.1.1851 )да Жозеф Пэкстон (олим, боғбон) лойиҳаси асосида уч нефпи базилика услубида йиғма темир бўлаклари ва шишадан ҳашаматли қилиб бунёд этилган. Унинг асосий нефи 563 м, эни 124 м, марказий нефининг бал. 19,5 м ни ташкил қилган. Бино олдиндан тайёрланган бўлаклар — темир устунлар (3300 дона), шу устунларни ўзаро бириктириб турган темир фермалар ва ойнаванд темир ромлардан йиғиб барпо қилинган. Бўйлама модул сифатида 7,3 м ўлчам қабул қилинган. Иншооттархда андозавий (стандарт) катакларга бўлинган. Катак асосини 122×25 см ўлчамли андозалаштирилган шиша плиталар ташкил қилади. Бу плиталар темир ромлар ичига олинган бўлиб, павильон синчларининг орасига шу ромлар териб чиқилган. Фақат иншоотнинг усти йиғма ёғоч равоқлар б-н ёпилган. Павильон биноси янги техникавий услубда яратилганлиги билан ҳаммани ҳайратга солган ва қурилиш техникасининг истиқболи тимсоли бўлиб қолган. У ўз салобати ва биллурий таассурота туфайли Биллур сарой номини олган. Кўргазма тугагач, Биллур сарой Сайденхемга олиб келиниб, қайта ўрнатилган. 1936 й. ёнғин натижасида вайрон бўлган.

---

Кирилл алифбосида мақола: БИЛЛУР САРОЙ ҳақида тўлиқ маълумот категорияси: Б ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)