ДЕҲҚОНБОЕВ Абдусалим (1906.26.10, Аширқози қишлоғи, Фарғона вилояти — 1943.8.10, Деражичи) — 2-жаҳон уруши қаҳрамони. Жамоа хўжалиги раиси бўлиб ишлаган. 1943 й. дан фронтда, 467-ўқчи полки (Марказий фронт 61-армиянинг 81-ўқчи дивизияси) ўқчиси. Деҳқонбоев Гомель вилоятининг Лоев туманидаги Глушец қишлоғида бўлган жангларда жасорат кўрсатган. 1943 й. 8 окт. да бўлган жангда ҳалок бўлган. Вафотидан кейин 1944 й. 15 янв. да Қаҳрамон унвонига сазовор бўлган. Туғилган қишлоғида ёдгорлик ўрнатилган; Фарғона вилоятидаги мактаблардан бири унинг номи билан юритилади.