ФУКО МАЯТНИГИ

ФУКО МАЯТНИГИ — Ернинг ўз ўқи атрофида айланишини тасдиқловчи тажрибани намойиш қиладиган қурилма. Фуко маятниги узун сим ёки ипга осилган оғир юк булиб, у ҳар қандай вертикал текисликда тебрана олиши керак. Агар Фуко маятнигини вертикалдан оғдириб, қўйиб юборилса, унга таъсир қилувчи оғирлик кучи ва ипнинг таранглик кучи ҳамма вакт маятникнинг тебраниш текислигида ётади ҳамда бу текисликни юлдузлар билан боғланган саноқ тизимига нисбатан бура олмайди. Ерда турган ва Ер билан бирга айланаёттан кузатувчи Фуко маятнигининг тебраниш текислиги Ерга нисбатан унинг айланишига тескари йуналищда секин бурилаётганини кўради. Худди шу ҳол Ернинг ўз ўқи атрофида айланишини исботлайди. Уз. 67 м бўлган биринчи Фуко маятнигини француз физиги Ж. Б. Л. Фуко 1851 й. да Париждаги Пантеон биносига ўрнатди. СанктПетербургдаги Исаак ибодатхонасига ўрнатилган Фуко маятнигининг уз. 98 м бўлган.

---

Кирилл алифбосида мақола: ФУКО МАЯТНИГИ ҳақида тўлиқ маълумот категорияси: Ф ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)