МАРМАРАК

МАРМАРАК (Solvia L.) — кўп йиллик ўтлар туркуми; гулзорларда экиладиган бир йиллик манзарали ўсимлик. Мармаракнинг ялтироқ Мармарак, Королков Мармарак ги, хушбўй Мармарак, хивичеимон Мармарак, чўл М. ги (зиғирак) каби 5 тури бор. Ялтироқ Мармарак (S.splendens ver. Gawl.) — бир йиллик ўт, бўйи 50—80 см, пояси тик усади. Барглари учбурчаклинаштарсимон. Гултожи 50—60 мм. Июнь — окт. ойларида гуллайди, гуллари сариқ, 25—33 мм. Королков Мармарак ги (S.korolkovii Rgl. et Schmalh.) — кўп йиллик ўт. Бўйи 24 — 50 см. Илдиз бўғизидаги барглар наштарсимон, учи ўткир, думалоқ понасимон, яшил тукли. Июнь—авг. ойларида гуллаб уруғлайди, гуллари сиёҳ ранг. Тоғли минтақаларда ўсади. Ўзбекистон Қизил китобига киритилган. Хушбўй Мармарак (S.sclarea L.) — кўп йиллик ўт. Бўйи 50—100 см. Пояси тик усади, тепа қисмидан шохланган. Барглари яшил, эллипссимон-чўзиқ, йирик бурмали, Июнь—авг. ойларида гуллаб уруғлайди. Тоғли минтақалардаги боғларда, тоғ дараларида ўсади. Эфир мойли ўсимлик ҳисобланади.

---

Кирилл алифбосида мақола: МАРМАРАК ҳақида тўлиқ маълумот категорияси: М ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)