МУЗҚАЙМОҚ

МУЗҚАЙМОҚ, мороженое — тухумқаймоқ ёки турли мевалардан тай-ёрланадиган яхна ширинлик. Музқаймоқ учун дастлаб асосий масаллиқ бирикмасини тайёрлаш ва бирикмани музлатиш жараёни талаб этилади. Қаймоқли Музқаймоқ учун тухум ёки тухум сариғи шакар б-н қориштириб ийланади, шакари эригач, иссиқ сут қуйилади ва чил-чўп билан бетўхтов айлантириб турилади. Идишда яхши аралашган қуюқ масса ҳосил бўлади. Унга ванилин қўшилади, сўнгра қолип идишларга қуйилиб, совитиб, музлатилади. 1 кг Музқаймоқ олиш учун масаллиқлар (г ҳисобида): сут 600, қаймоқ 75, шакар 250, ванилин 0,1, тухум 3 дона. Мевали Музқаймоқ учун мева кайнатиб пиширилади, сўнгра сим элакдан ўтказилиб, пюре тайёрланади. Қайноқ сувда шакар эритилади. Масалликлар совигач, пюре билан қиём аралаштирилади ва қолипларга солиб музлатилади. 1 кг Музқаймоқ учун 200 г мева (қулупнай, мандарин ва б.), 325 г шакар, 1 г лимон кислотаси керак бўлади.

---

Кирилл алифбосида мақола: МУЗҚАЙМОҚ ҳақида тўлиқ маълумот категорияси: М ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)