ҚЎҚОНСПИРТ ДАВЛАТАКЦИЯДОРЛИК ЖАМИЯТИ

«ҚЎҚОНСПИРТ» ДАВЛАТАКЦИЯДОРЛИК ЖАМИЯТИ — спирт саноатининг йирик корхонаси. «Ўзспиртсаноат» акциядорлик компанияси таркибида. Қўқон ш. дан 7 км узоқдикдаги Муқимий шаҳарчасида жойлашган. Буғдойдан ликер-арақ, тиббиётда ишлатиладиган тозаланган «Экстра» ва юқори даражада тозаланган этил спирти, халқ хўжалигида ишлатиладиган бошқа иккиламчи маҳсулотлар ишлаб чиқаради. 1991 й. да ўғитлар ва сульфат кислота ишлаб чиқарадиган Янги Қўқон кимё з-ди (1983) негизида озиқ-овқат спирти ишлаб чиқарадиган «Қўқон» и. ч. бирлашмаси ташкил этилди. Қайта реконструкция қилиниб, йиллик қуввати 1,8 млн. дал бўлган 1-навбати 1995 й. дан маҳсулот ишлаб чиқара бошлади. 1998 й. да 2-навбати (йиллик қуввати 0,9 млн. дал) ишга туши-рилди. 2000 й. дан очиқ турдаги акция-дорлик жамияти (Устав фонди 10127,6 млн. сўм; акциялар пакетининг 51% давлатга, 47% чет эл инвесторларига, 2% меҳнат жамоасига тегишли). Маҳсулотлари «Ўзмевасабз авотузумсаноатхолдинг» компанияси корхоналарига етказиб берилади, қўшни давлатларга экспорт қилинади. 2004 й. да 988,1 минг дал спирт ишлаб чиқарилди.

Абдукарим Умаров.

---

Кирилл алифбосида мақола: ҚЎҚОНСПИРТ ДАВЛАТАКЦИЯДОРЛИК ЖАМИЯТИ ҳақида тўлиқ маълумот категорияси: Қ ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)