ШПРОТЛАР — сельдсимонлар оиласининг бир уруғи. 6 тача тури бор. Уз. 17—18 см, димоғ суягида тишлари йўқ, қорин сузгичлари бир оз олдинда, кўкрак сузгичи эса анча кейинда жойлашган. Болтиқ, Ўрта ва Қора денгизларда Европа шпроти кенг тарқалган. Увилдириғини янв. —июль ойларида қирғоқ яқинига, 50—100 м чуқурликка, сув ҳарорати 16— 17° бўлган жойларга ташлайди. Майда планктон билан озикданади. Умри қисқа, 3—4 йил яшайди. Шпротлар баъзан килкалар деб ҳам аталади.