ВАЛИАНТ

ВАЛИАНТ — эртаги серҳосил шафтоли нави. Ватани Америка. Дарахти ўртача катталикда. Ўзидан чангланади. Меваси йирик (140—170 г), думалоқ-тухумсимон, ранги тўқ сариқ. Пустила сийрак нозик туклари бор. Эти хушбўй, сарғимтир, ширали, данак атрофи қизғиш, ширин. Эти данагидан яхши ажралади. Данаги йирик. Кўчати экилганидан кейин 2—3-йилдан ҳосил қилади, 5—6-йили тўлиқ ҳосилга киради. Ҳосилдорлиги юқори (160—170 ц/га). Бошқа р-нлаштирилган навларга караганда совуққа ва касалликларга чидами юқори. Апр. бошларида гуллайди. Меваси июлда пишади. Меваси янгилигигида ейилади, шарбатлар, жем ва б. тайёрланади. Ўзбекистоннинг ҳамма вилоятлари учун тавсия этилган (яна қ. Шафтоли).

---

Кирилл алифбосида мақола: ВАЛИАНТ ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)