ВАН ВЭЙ

ВАН ВЭЙ, Мо-цзе (699 ёки 701, Тайюань — 759 ёки 761, Сиань) — хитой рассоми, шоир. Хитой монохром (бир рангда ишланадиган) манзара рассомлиги асосчиси. Шойи мато, деворга расмлар ишлаган, бунда тушнинг ранг туслари, шаффофлик имкониятидан, чизги чизиқлардан фойдаланган. Гўзал манзараларида табиатнинг кўтаринки умумлашма образларини яратган. Асарлари («Қор остидаги дарс», «Цзинанлик Фу Шэн», «Қор ёғганидан сўнг») нусхаларда сакланган. Шеърларида ҳам табиатнинг нозик бўёқ ва тусларини акс эттирган. Ижтимоий мазмундаги шеърларида идеал давлат ҳақидаги орзу-ўйлари тараннум этилган.

---

Кирилл алифбосида мақола: ВАН ВЭЙ ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)