ТОРИЙ РУДАЛАРИ

ТОРИЙ РУДАЛАРИ — таркибидаги Th саноатда фойдаланиш учун техник томондан қулай ва иқтисодий жиҳатдан мақсадга мувофиқ бирикма ва концентрацияларда бўлган табиий минерал ҳосилаларнинг шартли номи. Th нинг хусусий конлари номаълум: одатда, полиметалл рудалар мажмуидан Nb, Та, Zr, U, камёб ер элементлари ва бошқалар билан биргаликда йўлйўлакай қазиб олинади. Бундай рудаларда Th нинг миқдори 0,01 дан 0,1% гача бўлади. Уларнинг барчаси ишқорли магматик жинслар билан алоқадор. Асосий минераллари: монацит (ThO2 28% гача), торит (ThO2 77% гача), торианит [(Th,U)O2 45—93%]. Торийли конларнинг генетик типлари орасида эндоген ва экзоген конлар фарқ қилинади. Эндоген конлар гуруҳида пегматит (Банкрофт — Канада), карбонатит (МаунтинПасс—Калифорния), гидротермал (Стинкампскрааль — ЖАР), альбитит, скарн ва магматик конлар маълум. Экзоген конлар турлй (эллювиал, аллювиал, замонавий ва кўмилган денгизқирғоқ — бўйи) монацитли сочмалардан ташкил топган. Улар торийнинг асосий манбаси ҳисобланади. Йирик денгизқирғоқбўйи сочмалар Ҳиндистонда ва Бразилияда маълум.

---

Кирилл алифбосида мақола: ТОРИЙ РУДАЛАРИ ҳақида тўлиқ маълумот категорияси: T ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)