ВАССЕРМАН РЕАКЦИЯСИ

ВАССЕРМАН РЕАКЦИЯСИ — захмни аниқлаш учун қўлланиладиган серологик реакция. Уни кашф этган немис олими А. Вассерман (1866—1925) номи билан юритилади. Вассерман реакцияси комплементни боғлаб олиш реакцияси (КБР)га асосланган бўлиб, у бир йўла учта антигенни ишлатган ҳолда олиб борилади. Текшириладиган зардоб 1:4 нисбатда суюлтирилиб, 4 та пробиркага 0,1 мл дан куйилади. Реакция босқичини крест (+дан то ++++) лар сони билан ифодаланади. Вассерман реакциясининг мусбат бўлиши, беморда захм касаллиги борлигини кўрсатади. Захмдан бошқа касалликлар (безгак, қайталама терлама ва б.)да ҳам Вассерман реакцияси қўйилади.

---

Кирилл алифбосида мақола: ВАССЕРМАН РЕАКЦИЯСИ ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)