ТОШКЕНТ МОЛИЯ ИНСТИТУТИ

ТОШКЕНТ МОЛИЯ ИНСТИТУТИ — молиякредит соҳасида мутахассислар тайёрлайдиган йирик олий ўқув юрти. 1931 й. да Тошкент ш. да Ўрта Осиё молияиқтисод инти ташкил этилган, унга кейинрок, Тошкент молияиқтисод инти, 1962 й. да Тошкент халқ хўжалиги инти номи берилган. 1991 й. 13 майда Тошкент халқ хўжалиги инти (қ. Тошкент иқтисодиёт университети)нинг молияиқтисод ва ҳисобиқтисод фтлари негизида ташкил этилган.

Интда 7 та фт (молияиқтисод; кредитиқтисод; ҳисобиқтисод; бошқарув; сиртқи молияиқтисод; сиртқи кредитиқтисод; сиртқи умум иқтисод) ва магистратура, 25 кафедра, академик лицей, солиқ лицейи, банк коллежи, бизнес мактаби, малака ошириш инти, иқтисодий билимларни тарқатиш маркази ва б. бўлимлар фаолият кўрсатади. 2003/04 ўқув йилида интда 6833 талаба таълим олди; 354 проф. ўқитувчи, жумладан, 38 фан дри ва проф., 154 фан номзоди ва доцент ишлади.

Инт молия, банк иши, солиқ, сугурта, менежмент, қимматли қоғозлар ва фонд биржаси, лойиҳаларни молиялаштириш, бухгалтерия ҳисоби ва аудит, касбий педагогик таълим йўналишлари бўйича бакалаврлар ҳамда 19 иқтисодий мутахассислик бўйича магистрлар тайёрлайди.

Инт фаолияти М. М. Қориев, Ю. Е. Шенгер, Н. Н. Шабанова, X. Р. Собиров, М. Шарифхўжаев, А. Ўлмасов, 3. Йўлдошев, Ё. Абдуллаев, каби олимлар номлари билан боғлиқ.

Институт мустақиллик йилларида 13500 дан ортиқ мутахассис кадрлар тайёрлади. Интда аспирантура ва докторантура бор. АҚШ, Англия, Франция, Германия, Жан. Корея, Япония каби ривожланган чет эл давлатларининг турдош унтлари билан ўқувилмий соҳаларда ҳамкорлик қилади.

Мурод Шарифхўжаев.

---

Кирилл алифбосида мақола: ТОШКЕНТ МОЛИЯ ИНСТИТУТИ ҳақида тўлиқ маълумот категорияси: T ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)