ВАФОТ ЭТГАН ДЕБ ЭЪЛОН ҚИЛИШ

ВАФОТ ЭТГАН ДЕБ ЭЪЛОН ҚИЛИШ — қонунда белгиланган муддат мобайнида фуқаронинг қаерда турганлиги ҳақида доимий яшаш жойида ҳеч қандай маълумот бўлмаган тақдирда унинг суд томонидан вафот этган, деб тан олиниши. Ўзбекистон Республикаси ФК 36-моддасига биноан, агар фуқаронинг қаерда турганлиги ҳақида унинг яшаш жойида 3 йил мобайнида маълумот бўлмаса, башарти у ўлим хавф солиб турган ёки муайян бахтсиз ҳодисадан ҳалок бўлган деб тахмин қилиш учун асос бўладиган вазиятларда бедарак йўқолган бўлиб, унинг қаердалиги ҳақида 6 ой мобайнида маълумотлар бўлмаса, манфаатдор шахсларнинг аризасига мувофиқ суд уни Вафот этган деб эълон қилиши мумкин. Ҳарбий ҳаракатлар муносабати билан суд бедарак йўқолган ҳарбий хизматчини ёки бошқа фуқарони ҳарбий ҳаракатлар тамом бўлган кундан эътиборан камида 2 йил ўтгандан кейин Вафот этган деб эълон қилиши мумкин. Суднинг бу ҳақдаги қарори қонуний кучга кирган куни фуқаронинг ўлган куни, деб ҳисобланади.

---

Кирилл алифбосида мақола: ВАФОТ ЭТГАН ДЕБ ЭЪЛОН ҚИЛИШ ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)