ВАҲМАҚУШ

ВАҲМАҚУШ, инуя (Remiz pendulinus) — читтаклар оиласига мансуб қуш. Мазкур уруғнинг ягона тури, 10 тача кенжа тури бор. Ўзбекистондаги энг майда қушлардан, уз. 11 см, вазни 10 г ча. Ранги оқишдан тўқ жигарранг ва қорамтиргача бўлади. Бошининг икки ёнида қора йўли бор. Пати майин. Тумшуғи узун ва ўткир учли. Ваҳмақуш Европа ва Осиёнинг жан. да тарқалган. Ўзбекистоннинг ҳамма жойида (кўпроқ қамишзорларда) ўтроқ яшайди. Ўсимлик толалари ва момиқларидан тол ва қамишларнинг сувга осилив турган шохчаларига кичкина осма уя солади. 6—8 дона тухум қўяди. Тухумини фақат модаси босади. Тухумдан 13—14 кунда жўжа чиқади. Жўжалари 16—18 кунда учирма бўлади. Ваҳмақуш зараркунанда ҳашаротлар ва уларнинг личинкалари билан озиқ-ланиб, қ. х. га фойда келтиради.

---

Кирилл алифбосида мақола: ВАҲМАҚУШ ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)