ТРАХЕЯЛИЛАР

ТРАХЕЯЛИЛАР, трахея билан нафас олувчилар, чала мўйловлилар (Tracheata, Atelocerata) — қуруқликда ёки иккиламчи сувда яшовчи бўғимоёқлилар кенжа типи. Бирламчи қуруқликда яшашга ўтган ҳалқали чувалчангларга ўхшаш аждодлардан келиб чиққан. Қуруқликда яшашга ўтган Трахеялиларда эволюция натижасида бош бўлими ажралиб чиққан; тана бўғимлари ва оёклари ихтисослашган; улар сони доимий бўлиб қолган. Трахеялилар боши танадан аниқ ажралиб туради; мўйловлари бир жуфт (антеннулалар гомологи); 2жуфт антеннаси бўлмайди. Трахея, баъзан тери ёки трахеяжабралар (тана девори ўсимталари орқали) нафас олади. Трахеялилар кенжа типи кўп оёклилар ва ҳашаротлар синфларига ажратилади.

---

Кирилл алифбосида мақола: ТРАХЕЯЛИЛАР ҳақида тўлиқ маълумот категорияси: T ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)