ВЕРМИКУЛИТЛИ БЕТОН

ВЕРМИКУЛИТЛИ БЕТОН — тўлдиргичи кўпчиган вермикулит бўлган енгил бетон. Боғловчи материаллар сифатида цемент, битумлар, эрийдиган шиша, синтетик смола ва б. ишлатилади. Иссиқ сақлайдиган ва конструкцион-иссиқ сақлайдиган хиллари бор.

Иссиқ сақлайдиган (теплоизоляцион) Вермикулитли бетон учун энг юқори т-ра 600° (боғловчиси цемент бўлганда) ва 150° (боғловчиси синтетик смола бўлганда) ҳисобланади. Бундай Вермикулитли бетондан плиталар, қобиқлар, сегментлар, блоклар тайёрланади, у саноат жиҳозлари, катта сув ва газ қувурларини иссиқлик жиҳатдан изоляциялаш, тўсувчи қурилиш конструкцияларини иссиқ сақлайдиган қилиш учун ишлатилади. Конструкцион-иссиқ сақлайдиган Вермикулитли бетондан девор панеллари, ораёпмаларнинг плиталари ва б. тайёрланади. Цемент ёки эрийдиган шиша қўшиб тайёрланган бундай Вермикулитли бетон иссиқбардош бўлади ва 800° гача т-рали шароитда қўлланилади.

---

Кирилл алифбосида мақола: ВЕРМИКУЛИТЛИ БЕТОН ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)