ВЕТЕРИНАРИЯ ДОРИХОНАСИ

ВЕТЕРИНАРИЯ ДОРИХОНАСИ — ветеринария доктори рецепти билан дори тайёрлайдиган, уни сақлайдиган ва таркатадиган муассаса. Ветеринария дорихонаси икки хил бўлади:

1) қ. х. ҳайвонлари касалликларига қарши курашадиган ст-ялар қошидаги Ветеринария дорихонаси фақат шу муассасага қарашли ҳайвонларни даволаш учун дори тайёрлайди, дорини ҳайвон эгаларига уйда даволаш учун тарқатади. Бу хилдаги Ветеринария дорихонасисида ветеринария доктори ёки фельдшери хизмат килади;

2) зооветтаъминот тизимидаги Ветеринария дорихонаси жамоа, ширкат, акционерлик, фермерлик хўжаликларини, шунингдек ветеринария шифохоналарини дори ҳамда керакли асбоблар билан таъминлайди. Бу хил Ветеринария дорихонаси дорини фақат ветеринария доктори ва ташкилотларнинг талабномасига мувофиқ тарқатади, ўзида рецепт билан дори тайёрламайди. Шаҳарларда ҳам дорини аҳоли ва ташкилотларга сотадиган ветеринария дорихоналари бор.

---

Кирилл алифбосида мақола: ВЕТЕРИНАРИЯ ДОРИХОНАСИ ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)